25 Februarie 2023 / Erfgename / Galasiërs 4:6-7
En omdat ons sy kinders is, het God die Gees van sy Seun in ons harte gestuur, en in ons roep Hy uit: “Abba!” Dit beteken: Vader! Jy is dus nie meer ’n slaaf nie; jy is nou ’n kind van God. En omdat jy sy kind is, het God jou ook sy erfgenaam gemaak. - Gal. 4:6-7
Hoe fantasties is dit nie om te weet dat wanneer ons 'n Kind van God word deur dat ons Jesus aangeneem het, stuur God Jesus se Gees in ons harte in - die Heilige Gees. Dit is die Gees van God, dieselfde Gees in Jesus, wat in ons harte uit roep na God as Vader.
Ons is dus erfgename van God en nie meer 'n slaaf van sonde of hierdie wêreld nie. Dit is wel jammer dat alhoewel ons nie meer slawe is nie, is daar Christene wat nog lewe asof hulle slawe van hierdie wêreld is en wie nie werklik weet wat dit beteken om werklik vry te wees nie. Of dit nou 'n kwessie is van dat hulle nog nie werklik tot bekering gekom het nie, of dat hulle nie besef wat hul redding vir hul eintlik beteken nie - weet ek nie. Wat ek wel weet, is dat ek en jy 'n erfgenaam van die Vader is en ons moet lewe met daardie verwagting dat ons eendag ten volle sal deel in die heerlikheid van God.