23 Mei 2023 / Vrede vir gelowiges / Psalm 85:9

Ek wil luister na wat God die Here sê, want sy woord bring vrede vir sy volk, vir dié wat Hom getrou dien. Hulle moet net nie weer afdwaal nie. - Ps 85:9

Een van die beloftes van God wat ons as Christene op kan staat maak is die belofte van vrede. Wanneer ons die Here dien en naby aan Hom lewe, is daar 'n vrede wat oor ons daal, wat 'n mens nie kan verduidelik nie. Dis 'n vrede wat alle verstand te bowe gaan en wat ons in staat stel om te kan volhard en kop te hou te midde van moeilike omstandighede en situasies.