23 Junie 2023 / Waar saai jy? / Galasiërs 6:7-8

Moenie julleself mislei nie: God laat nie met Hom spot nie. Wat ’n mens saai, dit sal hy ook oes. Wie op die akker van sy sondige natuur saai, sal van die sondige natuur dood en verderf oes. Maar wie op die akker van die Gees saai, sal van die Gees die ewige lewe oes. - Gal 6:7-8

Paulus is steeds besig met die onderwerp oor geld en hier praat hy oor die feit dat waar 'n mens sy geld saai, bepaal wat hy gaan oes. As 'n mens sy geld spandeer om sy vleeslike begeertes of sondelike begeertes te bevredig, dan moet hy nie verbaas wees met die oes wat hy gaan kry nie. As hy wel sy geld gebruik om God se Werk te ondersteun en / of te saai op so 'n manier dat jy en/of ander geestelik groei, dan sal jy die regte oes ontvang.

Dit kom daarop neer dat ons ons finansies verantwoordelik moet bestuur sodat ons 'n Goddelike oes kan oplewer wat vir altyd hou, en nie op die vlees fokus wat net tydelik is nie.

Eina! Ek dink dit is iets om aan te kou...