23 Januarie 2023 / Stel die voorbeeld / 2 Timoteus 3:10

23 Januarie 2023 / Stel  die voorbeeld / 2 Timoteus 3:10
Photo by Felipe Correia / Unsplash
Maar jy het my nagevolg in leer, lewenswandel en lewensdoel, in geloof, geduld, liefde en volharding... - 2 Tim. 3:10

Paulus skryf dat Timoteus Paulus se voorbeeld gevolg het. Timoteus was deur Paulus gementor en hy het Paulus se voorbeeld gevolg in leer, lewenswandel, lewensdoel, in geloof en geduld. Ook in liefde en volharding. Geduld is nie noodwendig iets wat iemand net vanself spontaan begin oefen, as hy nie weet wat dit beteken om geduld te wys aan ander nie.

Daarom is dit belangrik dat ons mentor vir ons die regte lewenstyl modelleer. Die beste voorbeeld om te volg is natuurlik Jesus Christus se voorbeeld. Paulus skryf in 1 Korintiërs 11:1, "Volg my voorbeeld soos ek die voorbeeld van Christus volg."

Ek en jy moet die voorbeeld wat vir ons gestel is volg, maar nie net vir ons eie beswil nie, maar ook vir die mense wat na ons kyk en ons voorbeeld volg.