23 Desember / Tema: Vriendskap / Johannes 15:14-15

Julle is my vriende as julle doen wat Ek julle beveel. Ek noem julle nie meer ondergeskiktes nie, want ’n ondergeskikte weet nie wat sy baas doen nie. Nee, Ek noem julle vriende, omdat Ek alles wat Ek van my Vader gehoor het, aan julle bekend gemaak het. - Joh. 15:14-15

Ons nuwe tema is vriendskap. Daar is verskillende aspekte en elemente oor vriendskap in die Bybel wat ons leer.

Die eerste gedagte wat ek interessant vind is dat Jesus hier in Johannes 15 sê dat die wie Hóm gehoorsaam, word 'n vriend genoem.

Ons is dus Jesus se vriend, maar Jesus is ook ons Here / Koning en ook ons broer. Dit is 'n vreemde gedagte of konsep dat Jesus ons Sy vriende kan noem, terwyl Hy ook ons Koning is.

Hoekom dink jy is daar verskillende perspektiewe of elemente tot ons verhouding met Jesus Christus? Kan Hy ons broer, Here en vriend gelyktydig wees? Is die een belangriker as die ander? Hoe sal jy die verskillende verhoudings-aspekte verduidelik?

Ek hoor graag 'n bietjie wat jy dink, maak gerus kontak! :-)