22 Mei 2023 / Die beloofde Heilige Gees / Lukas 24:29
En Ek sal die gawe wat my Vader beloof het, vir julle stuur. Maar julle moet in die stad bly totdat julle met krag van bo toegerus is.” - Lukas 24:49
Die Heilige Gees van God is 'n belofte aan elkeen wat die Naam van God aanroep en hom bekeer deur Sy geloof in Jesus Christus te sit. Dit is nie iets wat ons voor moet wag nie, dit is nie iets wat ons oor hoef te wonder nie - dit is iets wat ons moet WEET sal volg sodra ons tot geloof kom en dan sal die Heilige Gees daarna ook vir ons in ons hart die bevestiging gee.
Een manier hoe jy weet dat jy die Heilige Gees ontvang het, is wanneer jou lewe bonatuurlik begin verander en meer en meer soos Jesus s'n word, want ons kan dit nie in ons eie krag vermag nie, maar alleenlik met die krag van God se Gees wat ons in staat stel om te kan lewe volgens die Wil van God.