22 Januarie 2023 / Hy is so geduldig met jou / 1 Timoteus 1:15-16

Dit is ’n betroubare woord en kan sonder voorbehoud aanvaar word: Christus Jesus het in die wêreld gekom om sondaars te verlos. Van hulle is ek die grootste. Maar juis daarom was God my genadig sodat Christus Jesus aan my, as die grootste sondaar, al sy verdraagsaamheid sou betoon en ek ’n voorbeeld kon wees vir almal wat in die toekoms in Hom sou glo om die ewige lewe te verkry. - 1 Tim. 1:16

Paulus verduidelik dat hy, wat die grootste van sondaars was, wie Christene vervolg en dood gemaak het, deur Jesus se groot genade en geduld gered is.

As Jesus so verdraagsaam en genadig kan wees teenoor Paulus, hoeveel te meer sal Hy nie met jou verdraagsaam wees nie? Jesus het ons baie lief en Hy toon baie geduld en genade aan ons omdat dit Sy wil en begeerte is om ons te red.

Ons moet nie God se genade en verdraagsaamheid toets nie - maar ons moet weet dat Hy baie daarvan het en al wat dit van my en jou verg is om te begin  met 'n "Here, ek is jammer" en om die knie te buig voor Jesus en te sê "Ja, Here. Net U wil".