21 Junie 2023 / Ondersteun mekaar / Galasiërs 6:2

Dra mekaar se laste, en gee op dié manier uitvoering aan die wet van Christus. - Gal 6:2

As ons na die vers hier bo kyk en ons dink aan die tema van verantwoordelikheid - hoe dink jy het hierdie vers betrekking op die tema?

Laat ek bietjie hoor wat jou gedagtes is! Daar is 'n paar dinge wat ek aan kan dink, maar ek wil hê jy moet vanoggend 'n bietjie hieraan dink en deur die loop van die dag jou gedagtes rondom hierdie onderwerp vorm. Vra die Here om vir jou uit te wys hoe jy aan hierdie vers gehoor kan gee.