20 Maart 2023 / Bid vir alle gelowiges / Efesiërs 6:18

Doen dit alles biddend en smeek God by elke geleentheid deur die Gees. Wees waaksaam en bid gedurig vir al die gelowiges. - Efes 6:18

Die Wapenrusting word vir ons gegee net voor hierdie vers vir geestelike oorlogvoering en dan kry ons hierdie opdrag. Ons moet die wapenrusting biddend aantrek en God smeek met ernstige gebed om nie net myself te help en beskerm nie, maar alle gelowiges. Twee goed staan vir my uit: (1) ek moet ernstig bid en (2) ek moet my gebede nie net rig op myself nie, maar op ander ook.

Soms is ons gebede meer gerig oor ons eie behoeftes en omstandighede, maar daar is baie gelowiges vir wie ons ook kan bid.

Dink 'n bietjie

Watter gelowiges is daar daar buite wie jy aan kan dink wie jy voor kan bid?