20 Februarie 2023 / Jesus Christus bind ons / Galasiërs 3:26

Deur hierdie geloof in Christus Jesus is julle nou almal kinders van God. - Gal. 3:26

As jy Jesus uit die prêntjie haal, dan kan ons nie Kinders van God wees nie en ons kan ook nie Kinders genoem word nie. Jesus is die een wat ons aan mekaar heg as 'n familie - deur in Hom te glo en in Hom te wees, is ons almal een.

Net soos jy in 'n familie gebore word en dieselfde DNA deel, is Jesus en die Heilige Gees soos ons geestelike DNA. Jy kan 'n weeskind aan neem, maar jy kan nie sy DNA verander nie, MAAR wanneer jy deel van God se familie word deur die werk van Jesus Christus, dan kry jy 'n nuwe geestelike DNA en jy word geheel en al deel van die huisgesin van God.