2 Desember / Ligdraers / Filippense 2:12-13

My geliefdes, julle was altyd gehoorsaam wanneer ek by julle was. Des te meer moet julle gehoorsaam wees nou dat ek nie daar is nie. Julle moet julle met eerbied en ontsag daarop toelê om as verloste mense te lewe, want dit is God wat julle gewillig en bekwaam maak om sy wil uit te voer. - Fil. 2:12-13

Ons word deur Jesus Christus heilig gemaak voor God sodat ons tot God kan nader en Hom ons Vader kan noem. Die Gees van God is binne in ons en daarom moet ons ons toelê om dit wat die Gees binne in ons werk, na vore te bring en om die wil van God toe te pas in ons eie lewens.

Ons moet soos verloste mense lewe. Party vertalings sê ons moet ons verlossing uit werk met vrees voor God. Dit beteken nie dat ons moet ons verlossing verdien nie, maar dat ons dit wat ons leer en verteenwoordig moet toe pas in ons daaglikse lewe.

Dink 'n bietjie

Hoe kan jy prakties jou daarop toelê om soos 'n verloste persoon te lewe? Hoe lyk so 'n lewe?