19 Maart 2023 / Bid vir ander wat sondig / 1 Johannes 5:16-17

As iemand sy broer sonde sien doen wat nie tot die dood lei nie, moet hy bid en God sal die broer die ewige lewe gee. Dit geld dié wat sonde doen wat nie tot die dood lei nie. Daar is sonde wat tot die dood lei; daarvoor sê ek nie dat hy moet bid nie. Alle ongeregtigheid is sonde, maar daar is sonde wat nie tot die dood lei nie. - 1 Joh. 5:16-17

Ons moet bid vir ons broers en susters in Christus wanneer ons sien dat hulle sondig. Veral wanneer ons sien dat hulle verhard in sonde. Ons weet dat ons sondes vergewe word, maar daar is party sonde wat reguit na die dood toe lei, wat vinnige straf en oordeel verg, soos met Ananias en Sapphira.

Die klem hier is dat ons moet bid dat ons broers en susters sal staak met hul sonde en dat God hul sal vergewe.