19 Februarie 2023 / Tema: Kindskap / Johannes 1:12
Maar aan almal wat Hom aangeneem het, dié wat in Hom glo, het Hy die reg gegee om kinders van God te word. - Joh. 1:12
Ons is besig met 'n reeks oor Kindskap by ons gemeente (volg die reeks op YouTube hier: https://www.youtube.com/playlist?list=PLD9qX6evzqww5-qfUPgBOHrqg2ypYrGyl), en ek het gedink dit is heel van pas om te kyk na wat dit beteken en behels om 'n Kind van God te wees.
Die tema is baie na aan die tema van dissipelskap, so dit sal heel moontlik nie 'n lang tydjie hier op Kortliks.co.za wees nie.
Die begin van Kindskap, begin met wedergeboorte. Om 'n Kind van God te kan word is so eenvoudig soos om Jesus aan te neem as jou Here en te glo dat Jesus die Messias is. As ons in Jesus glo, dan word ons die reg gegee om 'n Kind van God genoem te kan word.
Dink 'n bietjie
Worstel jy soms met die konsep van om 'n Kind van God te wees? Wat is dit waarmee jy partykeer worstel?