17 September / Moenie vrees nie / Sefanja 3:17

Die Here jou God is by jou, Hy, die krygsman wat red. Hy is vol vreugde oor jou, Hy is stil-tevrede in sy liefde. Hy jubel en juig oor jou. - Sef. 3:17

God regeer en omdat God regeer en in beheer is, moet ek nie vrees nie. Ek moet myself herinner daaraan dat God by my is, dat Hy die een is wat my red en dat wanneer ek in gehoorsaamheid en in liefde teenoor God lewe, God vol vreugde is oor my. God is getrou in sy liefde teenoor my en daarom hoef ek nie te wonder of ek ooit alleen is nie, want ek is nooit alleen nie.

Net soos Sefanja Israel herinner aan God wat hul gaan restoreer en oor hulle regeer, wil ek jou daaraan herinner en jou vra: wie regeer in jou hart?