17 Maart 2023 / Bid vir die regering / 1 Timoteus 2:1-2

"Ek dring daarop aan dat daar in die eerste plek met smeking, voorbidding en danksegging gebid moet word vir alle mense, vir dié wat regeer en vir almal wat gesag uitoefen, sodat ons ’n rustige en stil lewe kan lei in volkome toewyding aan God en in alle eerbaarheid." - 1 Tim 2:1-2

Wanneer Paulus vir Timoteus onderrig oor hoe hy moet bid, begin hy met hierdie twee verse en maak dit duidelik dat daar gebid moet vir vir almal wat in gesag is en wie regeer, sodat die Christene 'n rustige en stil lewe kan lei. Ons moet bid vir ons regerings en ons moet bid dat daar vrede sal wees. Ons is baie gelukkig dat ons in vrede kan lewe en God kan dien, maar dit beteken nie dat alles goed gaan in die land nie.

Bid aksie

In plaas om elke dag te kla oor al die ellende, korrupsie, diefstal, ens., kom ons bid eerder vir ons land en regering elke dag, dat hulle tot bekering sal kom en REG sal regeer.