17 Januarie 2023 / Die kenmerk van 'n Christen / Efesiërs 4:1-2

Ek druk julle dit op die hart, ek wat ’n gevangene is omdat ek die Here dien: Laat julle lewenswandel in ooreenstemming wees met die roeping wat julle van God ontvang het. Wees altyd beskeie, vriendelik en geduldig, en verdra mekaar in liefde. - Ef. 4:1-2

Sjoe! Ons weet teen die tyd al dat geduld 'n belangrike eienskap van 'n gelowige behoort te wees, maar hier roer Paulus die pot nog 'n keer en hy beklemtoon dat 'n gelowige moet 'n lewe handhaaf wat in ooreenstemming is met dit wat God van ons verwag. Hierdie elemente behels om beskeie te wees, vriendelik, geduldig en om mekaar in liefde te verdra.

As 'n Christen, moet die mense om my kan getuig dat ek hierdie 4x eienskappe in my lewe toon. Indien ek nie doen nie, dan moet ek ernstig self-ondersoek in stel en bekeer en my lewe oor gee aan die Here en die Heilige Gees toelaat om in en deur my te werk.