16 November / Van sonde tot lewe / 1 Korintiërs 6:9-11

Of weet julle nie dat mense wat onreg doen, geen deel sal kry aan die koninkryk van God nie? Moenie julleself mislei nie: geen onsedelikes of afgodsdienaars of egbrekers of mense wat homoseksualiteit beoefen of diewe of geldgieriges of dronkaards of kwaadpraters of bedrieërs sal deel kry aan die koninkryk van God nie. En so was party van julle juis ook. Maar julle het julle sonde laat afwas, julle is geheilig, julle is vrygespreek in die Naam van die Here Jesus Christus en deur die Gees van ons God. - 1 Kor. 6:9-11

Deur Christus Jesus is ons gereinig en geheilig voor God. Ons is vrygespreek van ons ou lewe, 'n lewe van sonde. 'n Lewe wat gepaard gaan met iemand wie nie Christus ken en dien nie.

Paulus maak dit duidelik dat as ons 'n leefstyl lei soos hy hier bo noem, dan het ons nie deel van God se Koninkryk nie. In Korintiërs was hierdie algemene sonde en leefstyle kenmerke van die ongelowige Grieke en Paulus roep diegene wie bekeer om te breek met hul ou lewe.

Daar is nie ruimte vir die duisternis en die lig tegelyk nie. Jy kan nie twee meesters dien nie. Om geheilig te word is iets wat die Gees van God doen wanneer ons ons lewens neerlê voor die Here en Hom ten volle dien.

Het jy al oor gegaan van jou sondige lewe, na 'n lewe wat deur God gereinig word?