16 Maart 2023 / Bid vir jou vervolgers / Matteus 5:44

"Maar Ek sê vir julle: Julle moet julle vyande liefhê, en julle moet bid vir dié wat vir julle vervolg ..." - Matt 5:44

My eerste gedagte wanneer iemand vir my sou sê dat ek vir my vyande moet bid sal dalk wees: "Bid vir hul ondergang?", maar as Kind van God weet ek dat ek moet bid dat hul gered sal word.

Die res van die teks leer van ons dat enige mens, selfs slegte mense, kan bid vir hul eie mense en hul familie en kan hulle lief hê. As ons dit doen, is ons nie veel beter af nie, maar dit is 'n hoër roeping (of standaard) om vir diegene te bid wie jou te na kom en vervolg.

Iets om oor na te dink

Hoe gereeld bid jy vir jou vyande, vervolgers of die mense wie jou daagliks te na kom?