15 November / Wees Heilig / Levitikus 11:44-45

Ek is die Here julle God. Wy julle aan my diens en wees heilig, want Ek is heilig. Julle mag julle nie verontreinig met enige van die kleiner diertjies wat volop voorkom in die veld nie. Ek is die Here wat julle uit Egipte laat trek het sodat Ek julle God kan wees. Omdat Ek heilig is, moet julle ook heilig wees. - Lev. 11:44-45

Wees heilig, want Ek is heilig... wy julle aan my diens toe... moenie jouself verontreinig deur onrein diere te eet nie... Ek is heilig, daarom moet jy ook heilig wees. Dit is die opdragte wat God vir die Volk hier gee.

Israel was 'n gekose nasie wat heilig en rein moes wees, sodat hulle afgesonder en "anders" sou wees as die ander nasies. Die opdrag om nie onrein diere te eet nie, was 'n konstante herinnering vir hulle dat hulle hulself moet rein hou vir God. Dit was bedoel om 'n daaglikse herinnering te wees dat hulle 'n heilige nasie moes wees, afgesonder vir God.

Ons lees hier dat heiligmaking begin deur onsself af te sonder vir die Here, om onsself rein te hou.