15 Mei 2023 / God jok nie / Titus 1:2

... en wat hoop gee op die ewige lewe. God wat sy woord hou, het die ewige lewe lank gelede aan ons belowe. - Titus 1:2

God doen Sy Woord gestand. Hy jok nie. Dit wat Hy belowe of sê, dit doen Hy.

In Numeri 23:19 lees ons ook:

God is nie ’n mens dat Hy sou lieg nie, ’n mens dat Hy van gedagte sou verander nie. Sou Hy iets sê en dit nie doen nie, iets belowe en dit nie uitvoer nie? - Num 23:19

Het jy al vir iemand iets belowe en dit nie na gekom nie? Of gesê jy sal iets doen en die persoon teleurgestel dalk?

God stel ons nie teleur nie en wanneer ons na God se Woord kyk en dit lees, dan moet ons dit met sekerheid lees en bemoedig word! Reg deur die Bybel is daar gebeurtenisse opgeteken om vir ons te wys hoe God Sy beloftes na kom.

Dit stel my gerus dat ek weet ek kan op my God, die Enigste God, staat maak!