14 Mei 2023 / Verewig Versadig / Johannes 7:38

Met die een wat in My glo, is dit soos die Skrif sê: Strome lewende water sal uit sy binneste vloei.” - Joh 7:38

Daar is mense wat hul hele lewe lank soek na iets om die gat of begeerte wat diep binne in hul hart is te bevredig. Daar is niks in hierdie wêreld wat ons daardie totale bevrediging kan gee nie, behalwe Jesus Christus.

Party is onrustig, ander voel verlore, ander het 'n soeke of hunkering om aanvaar te wil word en soek liefde - wat ookal daardie diep hunkering en begeerte is; dit sal nooit gevul kan word nie as ons nie eers by die Vader se voete uit kom nie.