14 Januarie 2023 / 'n Dwaas raak gou kwaad / Prediker 7:8-9

’n Voltooide taak is beter as een wat pas begin is. Geduld is beter as hoogmoed. Moenie gou kwaad word nie: dit is ’n dwaas wat gou kwaad word. - Pred. 7:8-9

Iemand wie geduldig is, sal baie daarby baat vind. Dit is 'n dwaas wat gou kwaad word sê Prediker. Hoeveel keer het ons nie al vinnig kwaad geword oor iets en dan doen of sê ons iets waaroor ons spyt is? Of ons raak vinnig kwaad, net om te besef dit was onnodig?

Om geduldig te wees, beteken ook dat ons nie gou kwaad moet word nie. Hoekom? Watter elemente dink jy dra by tot die feit dat ons kwaad raak? Hoe groot 'n rol speel ongeduld in ons vermoë om kwaad te word? Wat, in ander mense, veroorsaak dat ons ongeduldig is?

Hoe dink jy kan ons daaraan werk?