13 Mei 2023 / 'n Belofte vir hierdie lewe / 2 Petrus 1:3-4

Sy Goddelike krag het ons alles geskenk wat ons nodig het om te lewe en Hom te dien. Dit kom deurdat ons Hom ken wat ons geroep het deur sy heerlikheid en mag. Deur dit te doen, het Hy ons die kosbaarste en allergrootste gawes geskenk wat Hy belowe het. Daardeur kan julle die verderf ontvlug wat deur begeerlikheid in die wêreld werksaam is, en deel kry aan die Goddelike natuur. - 2 Pet 1:3-4

Een ding waaroor ons seker kan wees is dit: God gee vir ons die krag wat ons nodig het om deur te kan druk in die lewe en om Hom te dien. Dit is nie iets wat ons vanuit onsself kan doen nie, maar iets wat God vir ons gee. Dit is 'n belofte om aan vas te hou.

Maak nie saak wat jy tans deur gaan nie, as jy God ken, het jy die nodig krag om deur te druk. Dit voel dalk nie altyd so nie, maar met ons oog gevestig op Jesus, het ons die krag om elke stryd te trotseer.