13 Maart 2023 / Weerhou my van versoekings / Matteus 6:13
"... en laat ons nie in versoeking kom nie maar verlos ons van die Bose." - Matt 6:13
Die Vader bring ons nie in versoeking nie, maar ons weet wel dat die Vader beproewings toelaat om ons geloof te versterk.
Deel van ons gebed moet behels dat ons die Vader vra om ons te help om versoekinge te weerstaan en dat die Heilige Gees ons daagliks sal lei. Daar is elke dag versoekinge wat oor ons pad kom en dit is moeilik om dit op ons eie krag te weerstaan.
Iets om oor na te dink
Vra jy die Vader daagliks om jou te help om versoekinge te weerstaan? En vra jy Hom ooit om vir jou geleenthede te gee waar jy getoets kan word en jou geloof versterk kan word?