13 Januarie 2023 / God is lankmoedig / Eksodus 34:5-7
Die Here het in ’n wolk afgekom en daar by Moses kom staan en die Naam “die Here” uitgeroep. Terwyl Hy by Moses verbygaan, roep die Here: “Ek, die Here, is die barmhartige en genadige God, lankmoedig, vol liefde en trou. Ek betoon my liefde aan geslagte en geslagte. Ek vergewe ongeregtigheid, oortreding en sonde, maar Ek spreek niemand sonder meer vry nie. Ek reken kinders en kleinkinders die sondes van vaders toe selfs tot in die derde en vierde geslag.” - Eks. 34:5-7
Lankmoedig is 'n ander woord vir geduldig; of om geduldig te wag. God is geduldig met ons en omdat Hy geduldig is, moet ons Sy voorbeeld volg en ook geduldig wees.
Hoe kosbaar is dit nie dat God dié wie Hom lief het en dien, seën, vir geslagte na geslagte. Solank as wat ons God gehoorsaam en Hom dien, kan ons in Sy liefde en trou wandel, met die wete dat die Here se seën op ons rus.