13 Desember / Tot jou voordeel / Markus 2:27-28

Jesus het verder vir hulle gesê: “Die sabbatdag is vir die mens gemaak en nie die mens vir die sabbatdag nie. Daarom is die Seun van die mens Here óók oor die sabbat.” - Mark. 2:27--28

Die Sabbat is gemaak vir die mens, omdat die mens nodig het om te rus. As ons nie 'n dag van rus uit sit nie, dan sal ons uit brand en onsself in die grond in werk.

Jesus maak dit duidelik dat die doel van die Sabbat is daar vir die mens se voordeel, om te kan rus. Die mens is nie gemaak met die doel om 'n Sabbat te onderhou nie, maar die Sabbat is gemaak vir die mens sodat die mens daarvan gebruik kan maak.

Het jy 'n dag in die week wat jy rus? Of 'n tyd in die week waar jy doelbewus tyd eenkant sit om te rus?

Hoekom dink jy is dit belangrik?