12 Maart 2023 / Vergewe soos jy vergewe / Matteus 6:12
"... en vergeef ons ons oortredings soos ons ook dié vergewe wat teen ons oortree" - Matt 6:12
Ons leer dat ons tot die Vader bid en vra dat Hy ons sondes vergewe. Die dag wanneer ons die Vader aan neem en met Jesus se kruisiging is als ons sondes vergewe en ons is skoongewas, maar die fokus van hierdie gedeelte van die gebed is nie net om my bewus te maak van my sondes en om vergifnis te vra nie, maar om my ook bewus te maak van die verantwoordelikheid om ander te vergewe.
As ek nie ander vergewe nie, dan trek God as t'ware Sy vergifnis van my af terug, WANT dit word verwag dat iemand wat God se oneindige genade en vergifnis ontvang het, dit vir ander ook moet gee. Indien nie, dan is dit 'n refleksie dat ons dalk nog nie werklik ten volle 'n oorgawe aan die Here gemaak het, en verstaan wat Hy van ons verwag en waarvan Hy ons verlos het nie!
Ek kan hierdie punt nog baie meer beklemtoon omdat dit regtig so 'n belangrike saak is hierdie, maar daar is 'n hele reeks Kortliks verse klaar oor VERGIFNIS hier: https://kortliks.co.za/tag/vergifnis/