12 Januarie 2023 / Geduld en vergifnis / Matteus 18:26-27

Die man het voor hom neergeval en gesoebat: ‘Gee my tog uitstel; ek sal u alles terugbetaal.’ Die koning het hom jammer gekry, hom laat gaan en sy skuld afgeskryf. - Matt. 18:26-27

Jesus vertel hierdie illustrasie om vir ons te leer dat God geduldig en vergewensgesind is teenoor ons. Die slaaf se skuld is vergewe nadat hy vra vir uitstel, maar kort hierna loop hy iemand raak wie vir hom ook geld skuld en hy laat die persoon in die tronk gooi.

Jesus eindig af en sê die koning was woedend en het die eerste slaaf laat haal en toe vir hom gestraf. Die prinsiep wat Jesus hier gee in vers 35 is dat as ons nie ander mense vergewe nie, sal die vader ons ook nie vergewe nie.

Nou hoekom val hierdie onder geduld? Omdat God geduldig is met ons en saam met daardie geduld kom genade en barmhartigheid, maar God laat ook nie met Hom mors nie. As ons God se geduld en genade en vergifnis soek, dan verwag God dat ons dieselfde aan ander sal toon. Anders trek Hy dit terug, soos Jesus in hierdie illustrasie verduidelik.