12 Desember / Vrede en voorspoed / Jesaja 26:2-3
Maak oop die poorte dat die nasie wat gered is, kan ingaan, die nasie wat aan God gehoorsaam is en wat op Hom vertrou. Gee aan hulle vrede en voorspoed, Here, want hulle het hulle vertroue op U gestel. - Jes. 26:2-3
Wanneer my vertroue elke dag in die Here is, dan leef ek in vrede en voorspoed. Dit beteken nie dat alles perfek gaan uit draai nie of dat ek wel af gaan wees nie, maar dit beteken dat ek rustigheid sal beleef in moeilike omstandighede en dat ek die emosionele kapasiteit of reserwes sal hê om meer te kan absorbeer.
Hoeveel keer het ons in situasies gesit waar ons op ons eie insigte probeer staat maak of op ons eie vermoëns, net om gefrustreerd te wees en te voel of ons nie meer krag oor het nie.
Pleks dat ons ons vertroue in die Here plaas en in Sy vrede en voorspoed wandel.
Die gedagte van vrede herinner my aan Jakobus wat skryf dat ons moet bid sodat die vrede wat alle verstand te bowe gaan oor ons kan kom. Wanneer ons bid, wys ons dat ons vertroue in God is en as ons opreg bid, seën God ons met 'n bonatuurlike vrede wat mens nie vir iemand kan verduidelik nie.
Het jy al daardie bonatuurlike vrede van God beleef?