11 Maart 2023 / Daaglikse Voorsiening / Matteus 6:11

"Gee ons vandag ons daaglikse brood" - Matt. 6:11

Nadat ons God se naam groot gemaak het en eers Hom al die eer en lof gegee het, dan kan ons begin met ons behoeftes. Ons mag vra vir die Here om aan ons behoeftes te voorsien, maar ons moet onthou dat die Vader weet wat ons nodig het, nog voordat ons dit van Hom vra.

Die Bybel leer ons dat God sal vir ons voorsien, maar ons mag ook vir die Vader ons behoeftes bekend maak. Hoekom is dit nodig om ons behoeftes bekend te maak aan die Vader as Hy klaar weet wat ons nodig het? Omdat ons in 'n verhouding met die Vader is en dit is deel van ons kommunikasie. By gesê, deur my behoeftes aan die Vader bekend te maak kan dit my help om afstand te maak van die angs of stress wat gepaard gaan met daardie behoefte.