11 Januarie 2023 / Wag geduldig / Jakobus 5:7-9

Wag dan geduldig, broers, totdat die Here kom. Let op hoe die boer wag vir die kosbare oes wat die land oplewer. Hy wag geduldig daarvoor totdat dit die vroeë en die laat reëns gekry het. Julle moet ook geduldig wag en moed hou, want dit is nie meer lank nie, dan kom die Here. Moenie oor mekaar kla nie, broers, sodat julle nie veroordeel word nie. Die Regter staan al voor die deur. - Jak. 5:7-9

Die Here moet nog kom... en Jakobus skryf aan die vroeë Kerk dat hulle geduldig moet wag. Dit is 2000 jaar terug, so ons moet duidelik nog baie geduld daaraan oefen. Die probleem is, terwyl ons geduldig wag vir die Here se Wederkoms, moet ons let op hoe ons leef en teenoor mekaar optreë.

In hierdie geval is die opdrag om geduldig te wag, sonder om oor mekaar te kla, om te verhoed dat ons veroordeel word vir ons optrede.

Totdat Jesus weer kom, is daar baie werk wat ons moet doen en baie siele wat gered moet word. Kom ons werk hard aan Sy Koninkryk, sodat wanneer Jesus weer kom, ons almal goeie arbeiders kan wees wat Sy goedkeuring weg dra.