10 Januarie 2023 / Tema: Geduld / Galasiërs 5:22

Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing. Teen sulke dinge het die wet niks nie. - Gal. 5:22

Ons begin met 'n nuwe tema wat handel oor geduld. Ons gaan vir die volgende rukkie kyk wat kan ons leer omtrent geduld vanaf God se perspektief teenoor ons en ook geduld in ons eie lewens wat ons moet beoefen teenoor die mense om ons.

Geduld is een van die dele van die vrug van die Gees wat in ons lewe gekweek moet word nadat ons tot bekering gekom het.

Dink solank 'n bietjie na

Is geduld iets waarmee jy sukkel? Of soms sukkel? Wat dink jy is die oorsaak daarvoor?