1 Desember / Nie 'n slaaf nie / Romeine 6:6

Ons weet tog dat die sondige mens wat ons was, saam met Christus gekruisig is, sodat ons sondige bestaan beëindig kon word. Ons is dus nie langer slawe van die sonde nie. – Rom. 6:6

Een van die mees wonderlikste ervaringe as 'n wedergebore Kind van God is dat ons vry is van sonde en nie meer 'n slaaf is van sonde nie.

Wanneer ons as kind van God in sonde vasgevang word, dan kla die Heilige Gees ons gewete erg aan; ons weet dit wat ons doen is verkeerd en ons hou nie van daardie kruipende gevoel van verslawing wat ons stadig bekruip soos ons besig is met sondige dinge nie.

Wat ons wel weet is dat ons nie 'n slaaf is nie en enige tyd kan weg stap van die sonde af, deur dit te bely aan die Vader en om vergifnis te vra.

Partykeer is dit nodig om 'n broer of suster in Christus in kennis te stel as jy sukkel met sonde: sodat jy nie alleen daardeur hoef te worstel nie.

As ek en jy werklik wedergebore is, dan kan ons nooit die verskoning gebruik en sê: ek kan myself nie help nie. Ja! Jy kan jouself help, want in die naam van ons Here Jesus Christus is ek en jy nie meer 'n slaaf nie.